اني مشكلتي انه بيوم من الايام حبيتلي بنت كانت معاية بالجامعة بس انا مرحلة اخيرة وهي لسة قدامها 3سنوات حتى تتخرج بقيت احسسها بحبي الها كنت اقضي وقتي كله بقسمها الحد ما حست بحبي بس للاسف تلاعبت بمشاعري .حاولت اكلمها بس للاسف احنة مجتمعنا بالعراق ما يسمح انه بنت تكلم ولد غريب لانه اني كنت بكلية وهي بكلية ثانية >دائما احاول اتكلم وياها تكلي ما اكدر بس وهي مرتبكة يعني ما اطتني رفض بس خلتني معلق .
الحمد لله والشكر اني تخرجت وحصلت تعيين وخلال سنتين اني اتترد على الجامعة بس علمود اشوفها حسستني انه هي تبادلني نفس المشاعر حتى مرة وصلني كلام من صديقاتها انه ليش هو يستحي اذا نيتة صافية الىحد ما حاولت اقابلها وكذلك ردت علية انه متكدر وبتسمت وقالتلي sorry بالانكليزي حاولت افسر ابتسامتها وردها وكلت ايجوز البنت حبتني بس هي مؤدبة وبصراحة كبرت بعيني وضليت مخدوع بيها لانه كلت ما معقولة بنت مؤدبة وبنت عائلة تتلاعب بمشاعر غيرها اني ولد واخاف الله اني اتلاعب بمشاعر غيري .بيوم من الايام سمعت انه واحد يريد يتقدملها فكلت اني لازم اتحرك ودز اهلي لما دزيت اهلي ام البنت قالت لامي انه هي متقدميلها هواي ناس منهم دكتور ورفضته وهي تريد واحد كامل مكمل يعني بالعراقي بيت وسيارة وشركة بس بالرغم من كل هذا راح اطرح الموضوع عالبنت وفي ثاني مرة ام البنت قالت انه البنت رافضة بعد هالرد اني انصدمت فعلا هي رفضتني لو اهلها شنو رايكم انتم . يعني اني 3 سنوات لا انام باليل وصدقوني كل ثانية تمر والله هي في بالي يعني خلال هذي ال3 سنوات حصلت مواقف كثيرة اعتقدت اني انه هي ايجابية بس طلعت تتلاعب بمشاعري ووتتباها كدام صديقاتها انه هو متخرج ويجي علمودي واني الحد الان احاول انسة المواقف او بالذات انساها هي بس ما اكدر اني بصراحة متحطم منو يكدر يساعني بحل بحيث اكدر انساها الله يوفقكمpersonnel

ياصاحبي امسك قلبك واتركهاانامثلك بنت تلاعبت بمشاعري بعدحب خمس سنوات وتضحيه مني وواجهت اهلها وعاديتهم عشانها ومع انهم من اعزاصدقائي وفي الاخيرلقيت واحدثاني وتركتني للعذاب انامثلك مااذوق النوم ياصاحبي اتركهاوصبرنفسك وهي لوانهاتحبك راح تجيكوتكلمك وابداحياه جديده وانساها وادعيلي انامثلك راح انساها