كتاب حياتي ياعين ماشفت زيه كتاب

الفرح في سطرين والباقي كله عزاب

أوراق وهم وقسى والحبر من دمعي

كتاب حزين كله مقاسي

جبني فزمان غدار قاسي

الفرح سطر غلط مكتوب

لما الزمن كان يوم ناسي

مكتوب فأول صفحاته

واحد غريب وادي حياتي

حيعيش حزين ويسيبها حزين

ينطق زمن وتحــياتـــــــــه

كتب الزمان جوا همي

من غير مايرحم ويسمي

كتب علي البكا والنوح

وهان عليه دمعي ودمي

الصح دابت صفحتها

بين الدموع لما قرتها

إستكترتها الدنيا زمان

ومن زمان مني خدتها

كشف الحكيم أصبح عادة

ومن عيادة لعيــــــــــــادة

وكل واحد أرحله يقول

قطعت قلبي بزيـــــــادة

بدل الحكيم رحت الميه

وخذت كل الأدويــــــــه

والكل قال عن جرحي

ماخذنهوش في الكليه يا عنيه

دلوقتي عندي ماتفرقشي

أطيب وأروق ولا مارقشي

العمر عدى والحمل ثقيل

لوكان جبل ما يطقشــي

ييجي الطبيب عندي أحكيله

يقول سلامتك أدعيـــــــــله

ولمل أقوله إزاي الحال

يخبي دمعه بمنديلــــــــه

يادنيا هاتي كمان هاتي

مايمكيش هم حياتي

ماأنا اصلي واخدعالأحزان

والدمع فعيوني للاتي

عذاب وهمي وتوته توته

وادي نهاية الحتـــــــــوته

بدموع عنيه وأحزاني

الدنيا راضيه ومبسوطة