بلبل يغني
عضو فعال
العمر : 20
سجّل في : 24 فبراير 2008
عدد المساهمات : 110
|  موضوع: !!!!! أخبار . . أهرام . . جمهوريه . . وعجبي  الأحد أبريل 06, 2008 10:43 am | |
| رأيس نيابة وسط قلبي أمر
بحبسي مدة 20 سنه عالقمر
رأيس نيابة وسط قلبي جاهل
لا عمره حب ولا عمره داق السهر
............ ......... ......... .......
ياعيون بلدنا يامفتوحين عالأخير
الضرب نازل عالدماغ عالي الوتير
ياعيون بلدنا ياغرقانين في الدموع
إزاي نجوع وإديكي مليانه خير
............ ......... ......... ........
عصفور وفارد جناحه يحلم يطير لكن
فتح عيونه لقا لون السما داكن
لملم جناحه وقال :ما احلا الحياه عالارض
ياما فيه مابيننا طيور عايزه تطير .......لكن
............ ......... ......... ......
أنا نمت مره من الضحى للمغربيه
صحتني نجمه من السما متشائيه
قالتلي : قوم عيش الحياه وامبسط
وإنسا التعب والجراح والقَسيه
............ ......... ......... .......
نفسي أكون شاعر وأركب بحور الكلام
وأحط ايد الطبيب فوق الوجع والآلام
نفسي أكون جندي وأمسك في ايدي سلاح
أكتب بسنه على الرمال : قصيدة سلام
............ ......... ......... ......... ...
إمتى الشروق ياليل ، تنجلي وتروح
وتيجي شمس الامل تبث فينا الروح
قابلت فيك ياليل ناس يسكنو في القلب
وقابلت فيك ناس يخنقوه بجروح
............ ......... ......... ......... ..
طلع لي مارد من فانوسه وقال
اطلب وشوف أمرك مطاع في الحال
عايز فلوس ؟ أو دهب ؟ أو ياقوت ، قلتله :
هي السعاده تتشري بالمال ؟
............ ......... ......... ......... ..
ياعقلي يامفتون بسحر العيون
ما يخدعكش الدلع وسود الجفون
أفتح قلوب أحلى البنات راح تلاقي
فراغ كبير، بالجمال مدهون
............ ......... ......... ......... .
إسمحلي أقول لك يازمان : اختشي
يازمان عجيب فيك الأمين مرتشي
يازمان الظلم فيك على كل لون
أبيض وأسود ولا لون شفتشي
............ ......... ......... ......... .....
ضحَكنا يا أرجوز تاخد ثواب فينا
ضحكه بسيطه قوي يمكن تدفينا
يمكن هتسعدنا يمكن تخلينا
نرجع نحب الحياه اللي بتئزينا
............ ......... ......... ......... ..
مات الزعيم الديكتاتور وإندفن
قلع الحرير ولبسوه الكفن
عديت أمام الضريح وقلتله بإرتياح
جالك أوآن تدفع ياحلو التمن
............ ......... ......... ......... ..
يابحر يا أبو السمك واللولو والمرجان
اسمع كلامي دا انا جوايا 100 بر كان
الدنيا صبحت قاع الكل فيه مفترس
حتى الشهامه اختفت وسط القروش والحيتان
............ ......... ......... ......... ....
أنا جبت مره الورق أرسم عليه ورده
صرخ القلم وإرتعش وقال إيديك بارده
بصيت له جامد .. زعقتله .. قلتله : إسترجل
دا الدنيا قاسيه ومقرفه وبارده
............ ......... ......... ......... ..
قالولي : اسمك ايه ؟ قلتلهم : اسمي أنا
قالولي : عمرك كام ؟ جاوبت : مليون سنه
قالولي : عايش ليه ؟ أنا قلت دا مكتوب
أعيش سنين صعبه ما اشفش فيها الهنا
............ ......... ......... ......... ..
السنين بتجر وياها السنين
والعمر ماشي وإنتو برضو مبسوطين
وفي كل راس للسنه تعلى التهاني والغنى
دا العمر لو ولى نجيبه منين
............ ......... ......... ......... .....
مربوط ياقلبي في حبل طوله دراع
مجرور ورايح سوق الحياه تنباع
وهناك تلاقي قلوب كتير تشتريك
تقسا عليك وتشربك أوجاع
............ ......... ......... ......... ...
بصيت لاقيت عالحيطه كام صرصار
فكرت فيهم وفي أمرهم محتار
قربت منهم شويه ... زعأوا وقالو :
إبعد بعيد بنقول كلام أسرار
............ ......... ......... .........
الدنيا عيد والناس متزينه
لابسين جديد في جديد والفرحه متبينه
الناس سعيده ... بس فيه ناس زعلانين
قالولي دول مش أغنيا زينا
............ ......... ......... .....
جرة قلم في الوقت دا تعمل كتير
تشفي الالم وتجيب دوا وتشيل وزير
جرة قلم تسعد بشر.. تحيي العدم .. تضوي القمر
جرة قلم ملهاش تمن ممكن تخلي البيه غفير
............ ......... ......... .....
بصيت على عيوني .. شفت البياض إسود
والقلب بطل شغل .. من كتر تعبه إتهد
دا الزمن قاسي ولعين ، ناوي ياخدنا لفين
إسكت ياقلبي الحزين دا الحزن مالهوش حد
............ ......... ......... ......... ..
آه منك إنتا يازمان مقلوب
الكفر فيك غالب والايمان مغلوب
الدين بقا موضه وتقليعه
والكفر هو الاصل والمطلوب
............ ......... ......... ......... ...
مات الزعيم الديكتاتور من زمان
عملوله تمثال ركبوه في الميدان
عديت أمامه وقلتله : طظ فيك
لو كنت راجل بصلي ياجبان
............ ......... ......... ......... ..
بصيت في يوم على خريطة مصر
لاقيت جناين ولاقيت جواري وقصر
سألت عنهم .. قالولي : دول ملكهم
مع إنهم كانوا ملكنا في الاصل
............ ......... ......... ......... ..
إفتح شفيفك يا شاعر وإملا الفضى أبيات
إدعي لبكره اللي جي .. وإبكي على الماضي اللي فات
إفتح شفايفك ياشاعر .. قول وسمعني الكلام
دا الكلمه لو تخرج تعمل معجزات
............ ......... ......... ......... ..
( عصفور على شجره واقف يشم هوا )
( وفي بحر مالح سمك عيان بياخد دوا )
إيش جاب سمك في البحور للطيور ياللهبل
دا الشعر أصبح هباء ، وبخور يطير في الهوا
............ ......... ......... ......... ....
بحر المحبه نشف وإتيتموا الاحباب
وماعدش فيه إخوة ، ولا للمحبه باب
بحر المحبه نشف من عمايل الناس
صبح الجميع مفترس وللجفا أرباب |
|
Marine8070
عضو ماسي
العمر : 28
سجّل في : 14 يناير 2008
عدد المساهمات : 1509
Loisirs : الترجمة الفورية
| | موضوع: رد: !!!!! أخبار . . أهرام . . جمهوريه . . وعجبي السبت أبريل 12, 2008 4:53 pm | |
| الله يبسلم الايادي يات بلبل
_________________
 |
|
jevara
عضو ذهبي
العمر : 17
سجّل في : 27 يناير 2007
عدد المساهمات : 510
| | موضوع: رد: !!!!! أخبار . . أهرام . . جمهوريه . . وعجبي الثلاثاء أبريل 15, 2008 5:26 pm | |
|
مشكووووووووووووووووووووووووووووووووووووووور
كلام جميل
انشالله كل الدنيا بتسمع نداك
_________________
|
|
الشاعر الرومانسي
عضو مميز
العمر : 17
سجّل في : 29 يوليو 2007
عدد المساهمات : 382
Loisirs : شاعر ومانسي و ممثل و مغني
| | موضوع: رد: !!!!! أخبار . . أهرام . . جمهوريه . . وعجبي الأربعاء أبريل 16, 2008 2:33 am | |
| مشكووووووووووووووووووووووووووووووووووووووووور
يا أخي على هذا الكلام الجميل و الرائع |
|
bodycrazy
عضو فعال
العمر : 16
سجّل في : 05 يوليو 2007
عدد المساهمات : 96
| | موضوع: رد: !!!!! أخبار . . أهرام . . جمهوريه . . وعجبي الأحد ماي 18, 2008 10:10 pm | |
| | مشكورررررررررررررررررررررررررررررررررررررررر |
|
بلبل يغني
عضو فعال
العمر : 20
سجّل في : 24 فبراير 2008
عدد المساهمات : 110
| | موضوع: رد: !!!!! أخبار . . أهرام . . جمهوريه . . وعجبي الإثنين يونيو 09, 2008 12:56 pm | |
| مرسي جدا علي احساسكم
_________________
مع تحياتي :بلال القرش
بلبل يغني |
|
شاعر الحب الجريح
عضو مميز
العمر : 18
سجّل في : 18 ديسمبر 2007
عدد المساهمات : 337
| | موضوع: رد: !!!!! أخبار . . أهرام . . جمهوريه . . وعجبي الإثنين يونيو 09, 2008 2:08 pm | |
| الله يعطيك العافية ويوفقك
كلمات رائعة
نفسي أكون شاعر وأركب بحور الكلام
وأحط ايد الطبيب فوق الوجع والآلام
نفسي أكون جندي وأمسك في ايدي سلاح
أكتب بسنه على الرمال : قصيدة سلام
............ ......... ......... .... |
|
